مكتبة قرطبة
مكتبة ومطبعة قرطبة للنشر والتوزيع والخدمات الجامعية ترحب بكم وتتمنى لكم قضاء أوقات ملؤها الإفادة والإستفادة.

بتخاف من امتحان الشفوي !! ( لكل اللي داخل امتحان شفوي )

استعرض الموضوع السابق استعرض الموضوع التالي اذهب الى الأسفل

بتخاف من امتحان الشفوي !! ( لكل اللي داخل امتحان شفوي )

مُساهمة  mimi في الخميس 6 أكتوبر 2011 - 9:00

السلام عليكم ورحمة الله وبركاته ...


الموضوع ده .. قرأته في أحد المنتديات ...وهحطه هنا بإذن الله ...لأنكم أولى الناس بيه دلوقتي ...

ربنا ينجحكم .. ويكتب لكم الخير .. و ييسر لكم الخير .. ويلطف بيكم

ولا تنسوني من صالح دعئكم


السلام عليكــم ورحمـة الله وبركاتــه ،،

بسم الله والحمد لله والصلاة والسلام علي رسول الله صلي الله عليه وآله وسلم

أما بعد

فأولا كل عام انتم بخير

وتقبل الله منا ومنكم

آمين

ثانيا : اسف اني كتبت موضوعين في فترة بسيطة

لكن دعت الحاجة اليهما

ويارب ينفعني واياكم بهما
آمين

ومحدش يصيبه الملل من كاتب الموضوع

اما عن الموضوع ده فأردت أن أكتبه أولا لإخواني وزملائي من الفرقة السادسة ونحن مقبلون علي امتحانات الشفوي والعملي

وأيضا لكل اخواني من جميع الفرق وأيضا من جميع الكليات اللي فيها

الدكتور والطالب وجها لوجه

امتحانات الشفوي

كثيرا ما تسمع الطلاب يقولوا

إنا امتحني تحريري زي منتا عايز لكن ان اقف أمام دكتور وجها لوجه

دي صعبة اوي

وبرتبك وبنسي اللي انا مذاكره

وايضا تري وجوه الطلبة في يوم امتحان الشفوي قلق جدا

وينتظر كشف الأسماء وتوزيعها علي الدكاترة

ها مجموعتنا طلعت مع الدكتور مين

طيب والدكتور ده اخباره ايه

طيب ولا شراني

benign or malignant

من الكلية ولا من بره

internal or external

ياااااه دا الدكتور ده بيسأل أسئلة تعجيزية واسئلة غريبة

بعض الطلبة تقول لفظ

الدكتور ده بينفـــــخ الطلبة
!!!

كناية علي انه صعب جدا

الموضوع ده بمثابة إعطاء بعض التوجيهات لنفسي ولإخواني ممن يتعرضون لمثل تلك المواقف

عشان الموضوع يبقي سهل جدا

كإنك بتسأل من واحد صاحبك او من ابيك الحبيب

1- صلاة الفجر يا أخي لازم تحافظ عليها في هذا اليوم -وانت اصلا مداوم عليها في باقي الأيام فدي اساس لكن في هذا اليوم اوعي تضيع

من صلى الصبح فهو في ذمة الله . فلا يطلبنكم الله من ذمته بشيء فيدركه فيكبه في نار جهنم
الراوي: جندب بن عبدالله المحدث: مسلم - المصدر: المسند الصحيح - الصفحة أو الرقم: 657
خلاصة الدرجة: صحيح

والذمة يعني الضمان والأمان

2- أذكار الصباح اوعي تنساها

هي حصنك في صباحك ومسائك

هتلاقي فيها ادعية كتيرة تحصنك ،،

بسم الله الذي لا يضر مع اسمه شي ....

أسألك خير هذا اليوم .... وأعوذ بك من شر ما في هذا اليوم ....

كلنا حافظينها طبعا

ولو مكنتش حافظها في ورقة كده صغيرة فيها الأذكار دي تخليها في جيبك دائما وتقولها منها لغاية متحفظها

3- لازم تعرف ان الدكتور ده بشر زيك زيه يعني مش زائد عنك بحاجة الا انه ولد قبلك عشان كده خد شهادات قبلك

وتعرف ان الدكتور ده قلبه بيد الله عز وجل


"وهو القاهر فوق عبـــــاده "
فليه هتخاف منه مادام انسان زيك زيه

" وخـــــــــــــــافونٍ إن كنتـــــــــــــم مؤمنين "

فالخوف من البشر خوف زيادة زي اللي بيحصل من كثير منا ينافي التوكل علي الله تعالي

لذلك ربنا يـــــكــِـــلــَكَ الي نفسك وينسيك اللي كنت مذاكره

4- تسأل ربك أن يربط الله علي قلبك وأن يثبتك ،،فمسألة الخوف والجزع الشديدة دي لا تكون الا عند انسان ضعيف القلب

"وَأَصْبَحَ فُؤَادُ أُمِّ مُوسَى فَارِغاً إِن كَادَتْ لَتُبْدِي بِهِ لَوْلَا أَن رَّبَطْنَا عَلَى قَلْبِهَا لِتَكُونَ مِنَ الْمُؤْمِنِينَ [القصص : 10]

قلبك إن كان مليان بالخوف من الله تعالي فلن تخاف من غيره

مش عايز اكتر في التوجيهات العامة اللي كلنا عارفينها لكن بننساها احيانا وذكركم بدعاء جميل جدا عشان متخافش من امتحانات الشفوي

ايه ده هو فيه دعاء مخصص لامتحانات الشفوي ؟؟!!!

لا يأأخي بارك الله فيك انا مقلتش كده

الدعاء ده تقوله في اي وقت وفي اي مكان ولما تحس انك خايف من بطش اي احد كان

خايف من الدكتور

خايف من لجنة مرور


خايف من فلان او من علان

لكنه مش مخصص لامتحانات الشفوي فقط عشان متقولش اني خصصت شي في الدين بلا مخصص وهذا اصل البدعة

عياذا بالله

يلا اقرأ الدعاء

عن ابن عباس قال إذا أتيت سلطانا مهيبا تخاف أن يسطو بك فقل : الله أكبر ، الله أعز من خلقه جميعا ، الله أعز مما أخاف وأحذر ، وأعوذ بالله الذي لا إله إلا هو ، الممسك السماوات السبع أن يقعن على الأرض إلا بإذنه ؛ من شر عبدك فلان ، وجنوده وأتباعه وأشياعه ، من الجن والإنس ، اللهم كن لي جارا من شرهم ، جل ثناؤك ، وعز جارك ، وتبارك اسمك ولا إله غيرك ، ثلاث مرات
الراوي: - المحدث: الألباني - المصدر: صحيح الأدب المفرد - الصفحة أو الرقم: 546
خلاصة الدرجة: صحيح

الحديث دا يسمي حديث موقوف يعني اللي قاله صحابي


الدعاء ده تحفظه صم وتقوله تلات مرات

في اي موقف تخاف من اي احد فيه


في دعاء تاني تحفظه صم برده وتقوله

عن ابن مسعود قال : إذا خاف أحدكم السلطان الجائر فليقل ( اللهم رب السماوات السبع ، ورب العرش العظيم ، كن لي جارا من فلان ابن فلان وأتباعه من خلقك ؛ من الجن والإنس ؛ أن يفرط علي أحد منهم ، أو أن يطغى ، عز جارك ، وجل ثناؤك ، لا إله إلا أنت ) ]
الراوي: - المحدث: الألباني - المصدر: صحيح الترغيب - الصفحة أو الرقم: 2237
خلاصة الدرجة: صحيح موقوف


دا مرة واحده

وتسمي اللي انت خايف منه في الدعاء

ودول ينطبق علي اي واحد له سلطان

انا عايزك بس تتخيل لفظة " كن لي جارا "

زمان كان الصحابة طبعا بيتعذبوا فبعضهم كان يستجير ببعض كفار مكة ذوي السلطة والمنعة فيخرج الشخص ده ويعلين عليي ملإ قريش ان الصحابي هذا في جواري فلا يقدر احد من الكفار علي إيذاء هذا الصحابي

ولله المثل الأعلي

إنت بتستجير بمن يجير ولا يجار عليه

قُلْ مَن بِيَدِهِ مَلَكُوتُ كُلِّ شَيْءٍ وَهُوَ يُجِيرُ وَلَا يُجَارُ عَلَيْهِ إِن كُنتُمْ تَعْلَمُونَ [المؤمنون : 88]

بيده ملكوت كل شيء وبين اصبعيه قلوب الدكاترة والناس كلهم

قادر سبحانه علي ان يجعل الدكتور لا يسألك الا في الحاجات اللي انت مذاكرها وقادر ايضا علي ان يلهمك الاجابة علي الأسئلة الصعبة
وبتحصل معانا صح ولا لأ

في بعض الدكاترة بيدخلوا اربعات او تلاتات

بعض اصحابي بيقوللي :


انا كنت داخل ومش مذاكر المنهج كله


فدخلوا تلاتة مع بعض للدكتور

بيسأل االأول والتاني فلايجيب في الوقت اللي صاحبي يفكر في الاجابة علي السؤال ده فيجيب عليه ويكون من الحاجات اللي ذاكرها

فالدكتور اداله درجة حلوة

سبحان الله


وحتي لو أجبت خطإ ممكن الدكتور ينسي ويكتب درجة عالية وهو يريد ان يكتب درجة اقل من دي

وماذلك علي الله بعزيز وتذكروا قصة

يقتل ويطلق اللي ذكرتكم بها في موضوع " اجري جري الوحوش "

خلاص يا اخي

اوعي تخرج من الصفحة الا لما تكون حفظت الدعائين دول

ولما تكون قريت كويس الحاجات اللي فوقيهم برده



هبقي احكيلكم علي موقفين حصلا لي لكن احكيهما لاحقا

موقف منهم هو سبب في كتابتي لهذا الموضوع

والله المستعان


طلب : ياريت اللي له باع في عالم المنتديات ياريت ينقل الكلام ده واي موضوع يجد انه فيه نفع ينقله

والدال علي الخير كفاعله

مش هتغرم الا كوبي وبيست وفقط


السنن دي كلنا في حاجة اليها

أسأل الله أن ييسر لي ولكم

وأن يتقبل مني ومنكم

آمين

والحمد لله رب العالمين


[center]


منقول للإفادة بالتوفيق للجميع مع صالح الدعاء بالخير والنجاح للجميع، اللهم يسر ولا تعسر يارب.

mimi

عدد المساهمات : 153
نقاط : 254
تاريخ التسجيل : 02/02/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى